autocine marín

Ven ao Autocine de Marín mercando local!

Até o 7 de outubro, as túas compras no comercio e na hostelería locais teñen premio. Se xuntas 50 euros en gastos, garda os tickets! Fai unha foto e adxúntaa ao formulario que atoparás aquí para conseguir a túa entrada para o autocine.

A sesión, con capacidade para 80 vehículos, será na Praza do Regueiro o día 10 de outubro e proxectarase a película Joker.

#PonllesCara dinamización comercio

Marín En Rede, a plataforma da economía local da vila, lanza a campaña #PonllesCara

Coñeces a aqueles que están tras o mostrador? Tras o teléfono? Detrás de cada unha das compras que realizas na túa vila?

Son veciños e veciñas que levan adiante os seus negocios e que agora, nestes duros momentos de reactivación da economía local, necesítante máis ca nunca! Déixate pescar pola economía local, poñéndolle cara a aqueles que a fan posible, aos verdadeiros motores do seu progreso.

Nas redes sociais do Marín en Rede (Facebook e Instagram) poderás ver os vídeos individuais de cada comercio que se adheriu á plataforma. Non os perdas!