Qué é Marín en Rede?

Marín en Rede é o espazo común do comercio e a hostalaría local de Marín promovido polo Concello, un lugar dentro desta rede dixital no que posicionar á economía da nosa vila, impulsando a súa dixitalización e presenza online.
O pequeno comercio e a hostalaría enfróntanse a importantes retos, especialmente nestes duros momentos que estamos a vivir por mor da crise sanitaria do Covid19. Por iso e máis que nunca temos que soster esta rede de emprendedores que enriquece a nosa vida municipal, remando todos nun mesmo barco para lograr a reactivación económica do noso tecido produtivo.

Bota o Anzol!

Son Comerciante

Mellorando a túa visibilidade na rede a través de Marín En Rede, a plataforma do Concello, chegarás a máis posibles clientes aos que “botar o anzol” para que coñezan mellor o teu negocio e os teus produtos ou servizos.

A medida que Marín En Rede vaia crecendo, poderás acceder de xeito prioritario a obradoiros de formación en competencias dixitais e ás campañas de visibilización que se desenvolvan.

Formar parte de Marín En Rede é totalmente gratis. Só tes que poñerte en contacto con nós e darte de alta na nosa base de datos.

Déixate pescar!

Son Cliente

En Marín En Rede poderás atopar un directorio con todos os establecementos da túa vila: electrodomésticos, alimentación, téxtil, prensa…

Poderás coñecer máis de preto aos teus comerciantes, poñerlles cara e entender mellor o seu negocio

Poderás participar nas campañas de dinamización comercial a través de sorteos, descontos… E serás un “redeiro” máis do noso tecido económico local!

ESTAMOS A “FAENAR” NUN MARKETPLACE

Marín En Rede quere ser tamén un espazo no que converter o desexo de incorporarse á venda online dos pequenos comercios nunha realidade.

O Concello está a traballar no desenvolvemento desta ferramenta, para que esta rede sexa aínda máis útil para a nosa economía local e tamén máis cómoda e con máis prestacións para os consumidores.